DALIT BISAYA – Punong Barangay gipusil patay

Valencia City – (Bukidnon News Dispatch / 22 November 2011) Gipusil patay ang usa ka Punong Barangay sa Barangay Mabuhay,dakbayan sa Valencia sabado sa hapon, Nobyembre 19 sa kapin kon kulang napulo ka armadong tawo.

 

Naila ang biktima nga si Arsenio Ferrera 66 anyos. Subay sa inbestigasyon nga samtang naa ang biktima sulod sa iyang panimalay kalit lang mga suspetsado nitungha ug gipusil sa makadaghan nga higayon gamit sa mga suspetsado ang kalibre 45 ug 9mm hinungdan sa kalit nga kamatayon sa maong biktima.

 

Ang mga suspetsado miisibat sakay sa multicab sa biktima nga nagtangag ug plate number KED 251 ug color gray apan gi-abandonar sa mga suspetsado ang maong multicab atubangan sa Daumar Store sa maong Barangay. Ni-transfer ang mga suspetsado sakay sa upat ka STX nga motorsiklo ug padulong sa wala matino nga direksyon ug nagapadayon pa ang inbestigasyon sa kapolisan sa pagsuta sa motibo sa pagpamusil ug sa posibleng pag-ila sa mga suspestado.

 

Kahinumdoman sa miaging bulan sa Marso niining kasamtangang tuig, si kanhi Punong Barangay Antonio Pechora sa Barangay Mapayag ,dakbayan sa Malaybalay ang gipusil sa gituohang mga miyembro sa New People’s Army (NPA).Gisundan kini sa lain na usab nga Punong Barangay ang gipusil patay didto sa Barangay Linabo, Quezon ug gi-ila nga si Raul Cagalawan ug gisundan na usab kini sa laing Punong Barangay ang gipusil ug naila nga si Fernando Nool sa Barangay Dominorog,Talakag.

 

Samtang didto sa Barangay San Miguel, Maramag,lain na usab nga Punong Barangay ang gipatay ug naila nga si Frederick Jalaman ug sa Barangay Bukang Liwayway,Kibawe usa ka Punong Barangay usab ang gidunggab patay sulod sa iyang panimalay sa niaging Oktubre 27.
Sa dakbayan sa Malaybalay ubay ubay na usab ang gipatay nga mga Punong barangay sama sa Barangay Capitan Angel, Patpat, Can-ayan ug duha ka Punong Barangay didto sa Barangay Silae.(Sean Sulugan)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: