BISAYA BALITA – GOODWILL GAMES SA MALAYBALAY MALAMPUSON

MALAYBALAY CITY- Halos duha ka bulan ang nilabay gikan sa pagbisita sa Malaybalay City Government didto sa Lanao del Norte para sa Sports for Peace, nibisita usab diri sa atong siyudad sa Malaybalay ang 152 ka delegado gikan sa Lanao del Norte delegates, lakip na ang ana ang 31 ka mga pangulo sa departamento niadtong Octobre 21-23, 2011 agig pagtubag usab sa imbitasyon ni Mayor Ignacio Zubiri para sa gipahigayung Goodwill Games.

 

Sa alas-dos sa hapon sa Biyernes, nahuman ang pito ka oras nga pagbiyahe ug ang mga bisita gi-escort dayon sa 65  ka miyembro sa KARANCHO gikan sa Barangay Dalawangan hangtud sa City Hall sa Malaybalay. Mitagbo ug mihatag usab sa mga bisita sa mainitong pag-abi abi mao ang Bukidnon State University (BSU) Brass Band ug mga empleyado sa gobyerno sa atong siyudad. Ang Bukidnon State University mao usab ang nahimong sak-anan o puluy-anan para sa mga bisita sa ilang hamubo nga panahon nga nibisita sa Malaybala.

 

Niadto usab nga adlaw, sa alas-tres sa hapon gipahigayon ang usa ka opening program didto sa Freedom Park diin gitambungan kini ni Mayor Ignacio Zubiri, Vice-mayor Victor Aldeguer, Councilor Tita Perla Rubio, Councilor Warren Pabillaran ug mga department heads sa siyudad.

 

Ang mga delegado gipangunahan nila ni Lyndon Garcia (Lanao del Norte Provincial Communication Affairs Officer), Minda Regis (Tourism Officer), Atty. Jonathan Puno (Lagal Officer), SP Secretary Robinson Carillo and Capt. Renato Salazar (Head of Civil Security Unit). Uban usad sa pagbisita si Monaderio Banding, manager sa Mindanao Civic Center Sports Complex (MCCSC).

 

Diha sa pagsaysay ni Mayor Zubiri didto sa opening program, nahibal-an niya sa pagbisita didto sa Lanao nga ang Malaybalay isa lang sa daghang LGU nga naimbitar arun mosinati gayud sa pag-ila-ila sa probinsya sa Lanao. Ug ang mga dula ug paugnat sa kusog nga mahitabo sa Malaybalay, sumpay lamang sa mga nindot nga dula nga nahitabo didto sa Lanao.

 

Ug dugang pang nagkanayon si Zubiri, nga sa naobserbahan ni Vice-Mayor Aldeguer nga bisan walay nindot na mga fasilidad dinhe sa siyudad nga makumpara sa MCCSC, mapahinambog man sad ang bugnaw nga klima ug ang mainit nga pagdawat sa mga taga-Malaybalay (cool weather, warm people).

 

Diha-diha dayon sa pagkahuman sa opening program, gisugdan dayon ang mga dula: Larong Pinoy: tug-of-war (men and women) ug sack race.

 

Sa Sabado na dayon nisugod mga ball games: basketball, lawn tennis, table tennis ug volleyball sa Freedom Park, ug badminton didto sa Belyca Court.

 

Si Governor Mohamad Khalid Dimaporo nga muabot unta sa Sabado, wala madaun kay gihangyo siya sa iya asawa atua sa pagpanganak sa ilang ikaupat na anak via caesarean section, matud pa ni City Administrator Allan Ronolo.

Sa Sabado usab sa gabii gipahigayon ang Mayor’s night ug Goodwill ball didto sa Loiza’s Pavilion. UgIusa sa mga bisita didto mao si Valenzuela Mayor Sherwin Gatchalian, matud pa ni Ronolo.

 

Nahuman ug mipauli ang mga bisita niadtong Domingo. (Hazel A. Generalao)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: